Amerika yemeje ibipimo bishasha binyaruka mu gusuzuma Ebola

0 30-12-2014 - saa 17:04, IGIHE

Ibipimo binyaruka kandi vyoroshe no gukoresha mu gusuzuma ibimenyetso vy’indwara ya Ebola vyaraye vyemejwe n’igisata kiraba ivy’imiti muri Reta zunze ubumwe za Amerika, FDA (Agence américaine du médicament).
Umurwi w’abavuzi baturuka mu gihugu c’Uburusiya baraye bemerewe n’igisata c’ubuvuzi kiraba ivy’imiti muri Amerika, FDA kugoresha ibipimo binyaruka mu gupima umugera wa Ebola, ibipimo vyiswe "Light Mix Ebola Zaïre test". Mw’itangazo ryasohowe n’umuyobozi w’igisata kigenzura ivyo gupima indwara co (...)

Ibipimo binyaruka kandi vyoroshe no gukoresha mu gusuzuma ibimenyetso vy’indwara ya Ebola vyaraye vyemejwe n’igisata kiraba ivy’imiti muri Reta zunze ubumwe za Amerika, FDA (Agence américaine du médicament).

Umurwi w’abavuzi baturuka mu gihugu c’Uburusiya baraye bemerewe n’igisata c’ubuvuzi kiraba ivy’imiti muri Amerika, FDA kugoresha ibipimo binyaruka mu gupima umugera wa Ebola, ibipimo vyiswe "Light Mix Ebola Zaïre test".
Mw’itangazo ryasohowe n’umuyobozi w’igisata kigenzura ivyo gupima indwara co mu Burusiya, Roland Diggelmann, bavuga ko ivyo bipimo bishasha, ari ibipimo binyaruka gukoresha, bifasha n’abaganga kubona n’ingoga ko umugera wa Ebola woba uri mu maraso, ivyo navyo bigaca bibatuma bashobora kuyivura hakiri kare.

Tubibutse ko ibipimo bisanzwe bikoreshwa vyo gupima umugera wa Ebola mu bihugu vyo muri Afrika y’Uburengero bigeramiwe n’ico kiza, bisaba uburyo bwinshi muri ico gikorwa bigasaba hafi n’amasaha atandatu imbere y’uko baronka inyishu yivyo baba bapimye.

"Light mix", uburyo bushasha bwaraye bwemejwe bwo gupima umugera wa Ebola, akaba ari uburyo bubonetse nk’intambwe ya mbere ishirahamwe mpuzamakungu ryitaho amagara y’abantu, OMS yari yaripfuje kugerako.
Ubwo buryo rero bwo gupima Ebola, bugasaba ko umuntu afatwa gusa amaraso ku rutoke, inyishu z’ivyo baba bapimye zikaboneka inyuma y’iminota mirongo itatu gusa.

Mwomenya ko ikiza ca Ebola, muri rusangi kimaze guhitana abantu bashika ku 7 708, mu biharuro vyerekanywe n’ishirahamwe OMS, hamwe n’abandi gushika ubu badasiba kwibonekeza bayanduye ku munsi ku munsi.

Kumenyekanisha
Kumenyekanisha

Izindi nkuru wasoma

Kumenyekanisha

ANDIKA ICO WIYUMVIRA KURI IYI NKURU

AMATEGEKO AGENGA IYANDIKA RY'ICIYUMVIRO CAWE

Nta ciyumviro kirajako. Ba uwa mbere!  

Kumenyekanisha