Ubuzima bwa Prezida Jean Baptiste Bagaza yahoze arongoye u Burundi

82 20-01-2013 - saa 04:10, IGIHE

Jean Baptiste Bagaza yavutse mu mwaka w’1946. Bagaza akaba yafashe ubutegetsi kw’igenekerezo rya 1 Munyonyo 1976 akomboye Michel Micombero yari umukuru w’igihugu wa mbere yafashe ubutegetsi asenyuye ubutegetsi bwa cami mu mwaka wa 1966.
Iyo ntwazangabo mu gisirikare akaba yarigeze kuba icegera c’umukuru w’ibiro bikuru vy’intwaramiheto,imbere y’uko afata ubutegetsi akaba yarize ivyigwa vya kaminuza n’igisirikare muri Ecole Royale Militaire de Bruxelles mu gihugu c’u Bubirigi akaba kandi yari (...)

Jean Baptiste Bagaza yavutse mu mwaka w’1946. Bagaza akaba yafashe ubutegetsi kw’igenekerezo rya 1 Munyonyo 1976 akomboye Michel Micombero yari umukuru w’igihugu wa mbere yafashe ubutegetsi asenyuye ubutegetsi bwa cami mu mwaka wa 1966.

Iyo ntwazangabo mu gisirikare akaba yarigeze kuba icegera c’umukuru w’ibiro bikuru vy’intwaramiheto,imbere y’uko afata ubutegetsi akaba yarize ivyigwa vya kaminuza n’igisirikare muri Ecole Royale Militaire de Bruxelles mu gihugu c’u Bubirigi akaba kandi yari intwaza ngabo mu biro bikuru vy’intwaramiheto m’u Burundi.

Jean Baptiste Bagaza yaciye aguma k’ubutegetsi gushika mu mwaka w’1987,aho nawe yaciye asenyurwa bivuye ku basirikare bato bato n’ibisongerezi mu ntwazangabo zatinya kuja mu karuhuko k’izabukuru hataragera,aho naho akaba yari mu rugendo mu gihugu ca Kanada.

JPEG - 4.3 ko

Mu gihe uno munsi mw’itunganywa ry’igihugu harimwo ibijanye n’ubwoko,ico mwomenya ni uko Jean Baptiste Bagaza ari umututsi kandi ko yashitse k’ubutegetsi mu gihe abahutu ari nabwo bwoko bufise igitigiri kinini mu gihugu bari barigijweyo mu nzego zose z’igihugu ku ntwaro ya Micombero.Ku ntwaro ya Bagaza rero,asa n’uwaciye amera nko uwutabibona yitaho cana cane igisata c’ubutunzi.

Muri kahise k’u Burundi n’abarundi m’ubutandukane bwabo, Bagaza arazwi cane kuko bagaza yakoze ibintu vyinshi n’ubu abantu bakigenderako haba mu bijanye n’inyubako hamwe n’indero.Akigoro kiwe katumye ibitigiri vyo abaja kw’ishuri mu mashuri y’intango biva ku bice 19 bishika ku bice 85 kw’ijana hagati y’umwaka wa 1976 na 1986 nkuko ibiharuro vyo mw’ibanki y ‘isi yose vyo mu mwaka wa 1987 bivyerekana.
Inyubako nyinshi zibonekeza nk’amabarabara, ingomero z’umuyagankuba, amavomo ,ibitaro, amavuriro, amashuri, amatonorero y’ikawa,amashirahamwe yo gutumatumanako n’ibindi vyubatswe ku ntwaro ya Bagaza.

JPEG - 11.1 ko

Hagati y’imyaka ya 1976 na 1987 umwimbu w’ikawa warongerekanye ku ncuro zishika kuri zine bivuye ku gikorwa co gusubiriza ibiti vy’ikawa bishaje cakozwe no kuntwaro ya Bagaza. Jean Baptiste Bagaza akaba yashira imbere cane iciyumviro co kuziganya mu ntumbero yo guteza imbere ubutunzi bw’igihugu,ari naco catumye ashiraho itegeko ko umuntu wese ategerezwa kuziganya.

Igikorwa atashitseko neza,cari igikorwa co kwegeraniriza abantu mu bigwati no kuja mu makoperative kuko ufatiye ku mico y ‘abarundi ico gihe ntibabitahura.Iyo politike y’iterambere muvyo ubutunzi ikaba yari ishigikiwe n’ibanki y’isi yose,ibihugu vy’iburaya,u Bushinwa hamwe n’ibihugu vy’abarabu.

Mu bijanye na politike, naho nyene indyane z’amoko hagati y’abahutu n’abatutsi asa nuko yazihoreye ku ntwaro yiwe,ntaworeka kuvuga ukutumvikana kwabaye hagati yiwe na ekleziya katorika zoba zavuye k’ukwisuka mu ndyane za politike z’abanyedini bamwe b’abanyamahanga.Ku ntwaro yiwe impunzi nyinshi z’abahutu zari zahunze ubwicanyi bwo muri 1972 zaragarutse,ariko atari zose.

JPEG - 4.7 ko

Mu bijanye n’imigenderanire,Bagaza yakoresheje Politike yo gukorana cane n’abafasha muvyo ubutunzi.Bagaza akaba yarafashije cane Yoweri Museveni igihe yariko arwanya Leta ya Kampala m’u Buganda.

Mu mwaka wa 1987,inyuma yaho akuriwe k’ubutegetsi na major Pierre Buyoya,Jean Baptiste Bagaza yaciye ahunga.Yahungutse inyuma y’amatora yatahukanywe na Ndadaye Melchior,yaciye yicwa,vyatumye haba intambara.

Mu ntumbero yo guterera yaciye ashinga umugambwe umugambwe Parena.Uno munsi bagaza akaba ari umukenguzamateka ivyo bahabwa n’ibwirizwa nshingiro ku muntu yabaye umukuru w’igihugu.

Inyuma y’imyaka 20 avuye k ‘ubutegetsi n’imyaka u Burundi bwamaze mu ntambara,intwaro ya Bagaza iracibonekeza umuntu afatiye ku bintu biboneka vyakozwe ku ntwaro yiwe.

Kumenyekanisha
Kumenyekanisha

Izindi nkuru wasoma

32346 1 2-04-2014
Kumenyekanisha

ANDIKA ICO WIYUMVIRA KURI IYI NKURU

AMATEGEKO AGENGA IYANDIKA RY'ICIYUMVIRO CAWE

Paji: 1 | 2 | 3 | 4 | 5 | 6 | 7 | 8 | 9  

21
kubwayo 2016-05-16 21:33:20

Imana Imwakire Yakozivyiza Vyinshi.Ese Iragi Ryiwe Ryokorwa na bose .

22
Claude 2016-05-16 19:43:56

Bagaza,naryameneza Yarumushingantahe!!!!

23
Elongo 2016-05-15 22:45:50

Imana Imwakire Yakubahwa Agiye Yandikishije Amateka Meza Mugihugu Cacu.Imana Imwakre Mubwami Bwayo.

24
NSHIMIRIMANA OSCAR 2016-05-13 19:07:43

UKURAMBA BITANGWA N’IMANA.YARASHOBOYE KURAMBA.N’AGENDE AMAHORO.KU NTWARO YIWE AMAFARANGA YARAFISE AGACIRO.AHO UMUNTU WESE AVUYE MU MUBIRI ASHIKIRA NAVYO BIMENYWA NA NYA MUNTU HAMWE N’UHORAHO. UMUNTU WESE AGITAMBUKA YOGERAGEZA KWIYUMVIRA IVYA VIE SPIRTUELLE.TWIHANE TUREKE IVYAHA TUZOJE KWA YESU.

25
DIEUDONNE NDUWIMANA 2016-05-11 22:05:30

MAMA NUMUGABO

26
Ndayikengurukiye Elyphaz 2016-05-11 20:21:13

Imana Nimwakire Mu bwamibwayo kuko yadusigaranye ,iterambere rikomeye.

27
Jean De Dieu Hakizimana:province Karusi.Commune Mutumba.Colline Kibuye 2016-05-11 08:55:11

Inkuru Y’ibikorwa Vyiwe Ni Ndende Kandi Birahimbaye Birakwiye Ko Abandi Bafatira Kuvyo Yakoze Kandi Hakaboneka N’ibitabu Bikwirajij Mu Mazu Y’amasomero Kugira Bisomwe Vyongere Bizobere Ifatiro Ku Runganw Rwa Kazoza Mu Vy’intwaro.

28
Jean De Dieu Hakizimana 2016-05-11 08:52:42

Inkuru Y’ibikorwa Vyiwe Ni Ndende Kandi Birahimbaye Birakwiye Ko Abandi Bafatira Kuvyo Yakoze Kandi Hakaboneka N’ibitabu Bikwirajij Mu Mazu Y’amasomero Kugira Bisomwe Vyongere Bizobere Ifatiro Ku Runganw Rwa Kazoza Mu Vy’intwaro.

29
J.PIERRE KUBWIMANA 2016-05-09 22:44:21

YAFASHIJABARUNDI NASHHMIRWE

30
KIM HYUN JUN ARAKAZA 2016-05-07 20:56:12

BAGAZANTAWUTOGUSHIMAWAKOZEVYINSIKABISA

Paji: 1 | 2 | 3 | 4 | 5 | 6 | 7 | 8 | 9  

Kumenyekanisha