Mike Ross ati:” Mana hezagira igihugu c’Uburundi…”

1 15-07-2013 - saa 03:27, IGIHE

Mu gikorane cabereye ku kibuga c’ishure ryisumbuye rya Nyakabiga, abatari bake baraharonkeye imigisha, na rirya ico gikorane cari citabwe n’abatari bake mu bakozi b’Imana rurangiranwa, abaririmvyi bava mu bihugu bitandukanye ndetse harimwo n’abo mu Burundi. Ico gikorane kikaba cari categuwe n’urunani rw’amashengero Network Nyakabiga.
Muri ico gikorane, hari hatumiwe mwo abavugabutumwa batandukanye bavuye mu bihugu bitandukanye, harimwo umukozi w’Imana Mike Ross ava mu gihugu ca Leta zunze ubumwe (...)

Mu gikorane cabereye ku kibuga c’ishure ryisumbuye rya Nyakabiga, abatari bake baraharonkeye imigisha, na rirya ico gikorane cari citabwe n’abatari bake mu bakozi b’Imana rurangiranwa, abaririmvyi bava mu bihugu bitandukanye ndetse harimwo n’abo mu Burundi. Ico gikorane kikaba cari categuwe n’urunani rw’amashengero Network Nyakabiga.

Muri ico gikorane, hari hatumiwe mwo abavugabutumwa batandukanye bavuye mu bihugu bitandukanye, harimwo umukozi w’Imana Mike Ross ava mu gihugu ca Leta zunze ubumwe za Amerika, umuririmvyi UwiringiyimanaTheogene azwi kw’izina rya Bose babireba ava mu gihugu c’Urwanda. Harimwo kandi n’imirwi y’abaririmvyi bo mu Burundi nk’umurwi wa Shemeza Music wa Appolinaire, umurwi wa Fortran Bigirimana n’abandi benshi, abo bose bakaba barafashije mu kuremesha ico gikorane. Abantu bari benshi ku buryo ku kibuga c’umupira vyari bigoye kubona n’aho umuntu yo hagarara kandi bose bakaba baranezerewe, bashima ivyiza vyo kuba mu nzu y’Imana. Ariko rero tukaba twobibutsa ko Rosa Muhando akaba atashoboye kuhashika kuko amagara yiwe atari ameze neza, narirya abatari bake bari bamurindiranye igishika na cane cane ko abatari bake bemeza ko indirimbo ziwe zibubaka.

Mu nyigisho zatanzwe na Mike Ross ari nawe yari umwigisha muri ico gikorane, yagarutse cane ku gutanga ikigongwe iyo hari uwacumuye ku wundi. Umukozi w’Imana akaba yasavye abari ngaho kumenyera gusabana ikigongwe ndetse ivyo bigaheza bikaja mu barundi bose iyo bava bakagera, Afrika yose, n’isi yose. Ikigongwe kirubaka imitima y’abantu nk’uko vyabandanijwe bivurwa n’uwigishije muri ico gikorane Mike Ross.

Mu gusozera, ico gikorane kikaba caranzwe n’amasengesho yo gusengera igihugu c’Uburundi, aho abantu bose basabira igihugu bavuga bati “Mana garukira igihugu cacu c’Uburundi, ugihunde imihezagiro yawe.”

Kumenyekanisha
Kumenyekanisha

Izindi nkuru wasoma

Kumenyekanisha

ANDIKA ICO WIYUMVIRA KURI IYI NKURU

AMATEGEKO AGENGA IYANDIKA RY'ICIYUMVIRO CAWE

1
ammy 2013-07-15 04:52:08

yego ni vyiza cane twarahezagiwe gwose gwose azagaruke

Kumenyekanisha