Igiteramo “Burundi Night” cabereye i Kigali mu Rwanda

3 3-11-2013 - saa 01:08, IGIHE

Igiteramo Burundi Night cari gihariwe abarundi n’akaranga k’ikirundi carabaye ku murwa mukuru w’igihugu c’Urwanda, i Kigali mw’ijoro ry’uwagatanu uheze. Abantu bakaba bari isinzi bacitavye, umunezero nawo wari wose. Ico giteramo categuwe n’abarundi baba mu Rwanda kikaba caritabwe n’umushikiranganji ajejwe inkino n’imico wo mu Rwanda.
Ishirahamwe ry’Abarundi baba mu gihugu c’Urwanda (ADIBUR) ryaratunganije igiteramo kuri uyu wa gatanu i Kigali ahitwa i Remera mw’ihoteri Sport View Hotel. Ico (...)

Igiteramo Burundi Night cari gihariwe abarundi n’akaranga k’ikirundi carabaye ku murwa mukuru w’igihugu c’Urwanda, i Kigali mw’ijoro ry’uwagatanu uheze. Abantu bakaba bari isinzi bacitavye, umunezero nawo wari wose. Ico giteramo categuwe n’abarundi baba mu Rwanda kikaba caritabwe n’umushikiranganji ajejwe inkino n’imico wo mu Rwanda.

JPEG - 61.8 ko
Abatimbo

Ishirahamwe ry’Abarundi baba mu gihugu c’Urwanda (ADIBUR) ryaratunganije igiteramo kuri uyu wa gatanu i Kigali ahitwa i Remera mw’ihoteri Sport View Hotel. Ico giteramo cari citabwe n’abantu isinzi. Mu kibanza c’ibiteramo co muri iyo nyubakwa, abantu bari bakubise harazima uko bitamenyerewe. Bahimbawe cane n’imvyino z’ikirundi hamwe n’umurisho w’ingoma abatimbo bariko barasasiriza n’ingoma zabo.
Umurwi ndangakaranga Abagumyabanga warabiciye biracika ku bigeme bawo bavuna ihunja bigashimwa. Aho ni mu gihe abatimbo nabo babiciye biracika ku murisho w’ingoma. Bavuza bongere biyereka, bagasimba mu kirere ukabeshera inyoni mu kuguruka. Abaraho nabo akanyamuneza kenshi karabashwara, ibirori biba akaroruhore.

JPEG - 59.6 ko
Umutimbo ariko ariyereka mu kuraruka

Ico giteramo kikaba kandi cari citabwe n’abaserukiye Urwanda. Aha twovuga umushikiranganji w’Urwanda ajejwe inkino n’imico, Mitali K. Protais. Uwo mushikiranganji akaba yarashikirije akajambo ko kugaragaza umunezero afise kubwico giteramo. Agashimira cane abatunganije ico giteramo. Ati, kurya Uburundi n’Urwanda vyahoze ari igihugu kimwe, n’imico irashusha. Akaba yemereye ko abanyarwandanabo bazosubiriza mu ndumane abarundi ku bintu vyiza bari bahejeje kubereka.

JPEG - 56.6 ko
Mitali K. Protais, umushikiranganji w’Urwanda ajejwe inkino n’imico

Ico giteramo kikaba cagiye kurangizwa n’ indirimba z’umuririmvyi Mugani Désiré azwi kw’izina rya General Fizzo. Uyu, yabaye agishika imbere y’abantu baca bavira hasi rimwe maze batangura kuryoherwa n’indirimbo “Bajou”, “Ndakumisinze” n’izindi z’uyo muririmvyi. Abakibasha ntibigumije baragatamvye. Ico giteramo kikaba catanguye gicerewe kw’isaha yari itegekanijwe bituma gihera bwije, ijoro ryiteye.

JPEG - 54.5 ko
General Fizzo
JPEG - 62.7 ko
Bamwe mu bari bitavye igiteramo

JPEG - 59 ko
Uwivuga amazina
JPEG - 61.8 ko
Imisore y’Abagumyabanga bariko baratamba
Kumenyekanisha
Kumenyekanisha

Izindi nkuru wasoma

Kumenyekanisha

ANDIKA ICO WIYUMVIRA KURI IYI NKURU

AMATEGEKO AGENGA IYANDIKA RY'ICIYUMVIRO CAWE

1
mbonimpa 2016-03-26 20:46:42

amtkuru mbonimpa

2
dativa 2013-11-04 09:51:48

egomwa.abarundi mukurwa,urwanda twarabareze,1972,1993.mwaratwituye,ingomazanyu.twazumvishe, muzikuzivuza!

3
oliva 2013-11-03 07:31:17

ego natwe twaritabye iki gitaramo turinshima cyane abarundi bazikuvuza ingoma

Kumenyekanisha