Abayobozi b’amabohero n’ibitaro bahamagarirwa kwigenga ubuntu

0 15-06-2014 - saa 11:53, IGIHE

Ishirahamwe riharanira uburongozi bwiza EPL rirasaba abarongoye amabohero n’ibitaro gutwara neza bigenga ubuntu. Ako kamo gaterwa n’iryo shirahamwe inyuma yaho havurwa abanyororo bashika kuri 4 bamaze kwitaba Imana biturutse kukudahabwa uruhusha rwo kuja kwivuza batarasinzikara.
Ku bimaze iminsi bivugwa ko abanyororo bankirwa uruhusha rwo kwivuza gushika aho bitaba Imana kubera uguteba kwivuza kutabavuyeko, ishirahamwe riharanira uburongozi bwiza EPL (Espoir pour la Promotion du (...)

Ishirahamwe riharanira uburongozi bwiza EPL rirasaba abarongoye amabohero n’ibitaro gutwara neza bigenga ubuntu. Ako kamo gaterwa n’iryo shirahamwe inyuma yaho havurwa abanyororo bashika kuri 4 bamaze kwitaba Imana biturutse kukudahabwa uruhusha rwo kuja kwivuza batarasinzikara.

Ku bimaze iminsi bivugwa ko abanyororo bankirwa uruhusha rwo kwivuza gushika aho bitaba Imana kubera uguteba kwivuza kutabavuyeko, ishirahamwe riharanira uburongozi bwiza EPL (Espoir pour la Promotion du Leadership) risaba abatwara amabohero kwikubita agashi.

Nk’uko uwurongoye ishirahamwe EPL, Pascal IRARIHA abivuga, umuntu naho aba ari mw’ibohero, amategeko y’igihugu na mpuzamakungu aramurekurira kugumana agateka kiwe. Ivyo rero na cane cane mu bijanye n’ukwivuza.

Pascal IRARIHA atera akamo abarongoye amabohero hamwe n’ibitaro ko bokwigenga ubuntu. Yongera kubahamagarira kutisuka mu vya poritike mu kazi kabo. Ku baganga, umukuru w’ishirahamwe EPL, aributsa ko bo bafise n’indahiro barahira imbere yo kwinjira mu mwuga wabo.

Ishirahamwe riharanira uburongozi bwiza EPL, hampande yo gukebura abarongoye amabohero n’ibitaro gutwara neza bigenga ubuntu, riratanga ubutumwa kubaba babuze ababo. Pascal IRARIHA asaba iyo miryango iba yabuze ababo biturutse ku rwangara rw’abayoboye amabohero canke ibitaro ko bokwitura ubutungane. Aha, arongerako ko naho ubutungane muri ino minsi busa n’ubutigenga, ko iyo miryango yotegura ama dosiye. Pascal IRARIHA ati: “ejo canke hirya y’ejo…ubutungane buzotinda bukore”.

Kumenyekanisha
Kumenyekanisha

Izindi nkuru wasoma

Kumenyekanisha

ANDIKA ICO WIYUMVIRA KURI IYI NKURU

AMATEGEKO AGENGA IYANDIKA RY'ICIYUMVIRO CAWE

Nta ciyumviro kirajako. Ba uwa mbere!  

Kumenyekanisha