Aba Miss burundi bageze he (miss burundi 2010 :kheila Ndayikeza )

1 26-08-2013 - saa 09:44, IGIHE

Haraheze igihe tubona buri mwaka hategurwa ihiganwa ryo gutora miss burundi ‘’miss burundi ‘’. Iryo higanwa ryatanguye mu mwaka wa 2009. Kenshi rero umuntu aribaza ico abo bagiye baba aba miss burundi bavuyemwo muri kino gihe .Ni mu ntumbero yo kwishura kuri co kibazo, ikinyamakuru ‘’ Igihe ‘’cashimye kurondera aboba baratewe iteka bagatorwa ku ba miss burundi mu gihugu cose.
Umwigeme Kheila Marie Ndayikeza yoba ari nde?
Ihiganwa rigira kabiri rya miss burundi ryatsindiye umwigeme yitwa (...)

Haraheze igihe tubona buri mwaka hategurwa ihiganwa ryo gutora miss burundi ‘’miss burundi ‘’. Iryo higanwa ryatanguye mu mwaka wa 2009. Kenshi rero umuntu aribaza ico abo bagiye baba aba miss burundi bavuyemwo muri kino gihe .Ni mu ntumbero yo kwishura kuri co kibazo, ikinyamakuru ‘’ Igihe ‘’cashimye kurondera aboba baratewe iteka bagatorwa ku ba miss burundi mu gihugu cose.

Umwigeme Kheila Marie Ndayikeza yoba ari nde?

Ihiganwa rigira kabiri rya miss burundi ryatsindiye umwigeme yitwa Kheila Marie Ndayikeza. Uwo mwigeme Kheila Miss Burundi 2010 ubu ari mu gihugu ca Leta zunzubumwe z’Amerika muri Leta yitwa Arizona, aho ariko arakwirikana amashure ya kaminuza ahitwa Paradise Valley community college mu gisagara ca Scottsdale.

Kheila yavukiye muri komine Kinindo mu gisagara ca Bujumbura mu mwaka wa 1993. Ku myaka 16 yaciye atorwa kuba Miss Burundi. Muri ico gihe yari mu mwaka wa 11 w ‘amashure yisumbuye kw’ishure ry ‘Umumarayika Mikayeri (Saint Michel Archange )

Igihe : Ni igiki mwoba mwarakuye mw’itorwa ryanyu Miss Burundi 2010?

Miss Kheila : ni ikintu ciza canyigishije na cane cane ivy’imibano kandi vyaratumye nongereza gukunda igihugu. Kuba Miss Burundi vyaratumye mba umurundikazi abushitse kandi ndanezererewe kuba umurundikazi. Kandi kuba Miss Burundi vyarampaye akaryo ko kubonana n’abakuru bo muri kino gihugu.

Igihe : Ni ibihe bintu bikuru bikuru mwoba mwararanguye mu mwaka mwamaze mufise urugori rwa Miss Burundi mu mwaka wa 2010?

Miss Kheila :Narahaye abana bo mw’ibarabara impuzu twari twanduje mu gisagara ca Bujumbura. Naratanze kandi imfashanyo inzu yabageze mu zabukuru iri muri Rohero. Ibi nivyo bikuru bikuru vyari muvyo nari niteguye kurangura kandi vyanshimishije cane.

Igihe :Ni igiki mutashimye mu kiringo c’umwaka wose mwamaze muri Miss Burundi ?

Miss Kheila : Sinakunze na gato ukuntu abarundi bari bafise ukuntu bafata umu Miss. Abantu benshi bibaza ko kuba "Miss" bijamwo abakobwa batiyubaha bafise imico mibi, ataco bakora, berura n’ibindi bintu vyose bitari vyiza ku murundikazi.

Igihe: Ni akahe kamo wotera abarundi n’abarundikazi ?

Miss Kheila :Umu Miss Burundi n’umwe mu baserukira igihugu hamwe n’akarere kiwe, abantu ntibari bakwiye gucira imanza aba Miss, ahubwo bari bakwiye kubashigikira mu bikorwa vyabo.’’Imana ihezagire Uburundi n’abarundi .’’

Kumenyekanisha
Kumenyekanisha

Izindi nkuru wasoma

Kumenyekanisha

ANDIKA ICO WIYUMVIRA KURI IYI NKURU

AMATEGEKO AGENGA IYANDIKA RY'ICIYUMVIRO CAWE

1
Sixte Bayubahe 2015-06-12 23:03:34

Komwabay Miss Burundi Nimuhanure Abandi Bigeme .Turabeko Mwoba Beshi Nakare Abigeme Iburundi N’ibirezi.Komeze Mumenyekanisha Umwigeme Wumurundikazi.

Kumenyekanisha