Umufaransa Zinedine Zidane yahora amenyereza umurwi Real Madrid wo mu gihugu ca Espagne, yamenyesheje ko atanze imihoho muri ayo mabanga , kur’uyu wa kane igenekerezo rya 31 Rusama 2018.

Mu kiganiro kitari citezwe yatanze ku bamenyeshamakuru,ari kumwe n’umuyobozi wa Real Madrid Florentino Perez, Zinedine Zidane yavuze ko yafashe ingingo yo kutabandanya amenyereza umurwi Real Madrid, mu mwaka uza.

Zinedine Zidane asezeye Real Madrid, mu gihe yaheruka kwandika amateka mu rukino rw’umupira w’amaguru ku mugabane wa Buraya, mu gutahukana igikombe c’ihiganwa rihuza imirwi yabaye iya mbere mu bihugu vyayo, ku ncuro zitatu zikurikirana.

Mu kwezi kwa mbere 2018, Zinedine Zidane yari yongereje amasezerano yo kumenyereza umurwi Real Madrid, gushika mu mwaka wa 2020.