Umukuru wa UNABUDI arakeza abateguye « NEZERA FESTIVAL »

0 31-08-2018 - saa 10:14, vianney

Umukuru w’urunani UNABUDI (Union des Artistes Musiciens Burundais de la Diaspora), Felicien MINANI NSENGIYUMVA amenyeshako anejerejwe na bamwe mu baririmvyi b’Abarundi bateguye isabukuru yitiriwe « NEZERA FESTIVAL » izobera muri Reta zunze ubumwe za Amerika kuri uwu wa gatanu igenekerezo rya 31 Myandagaro hamwe no ku munsi wa gatandatu igenekerezo rya mbere Nyakanga 2018.

Abicishije ku rubuga rwiwe rwa Facebook, NSENGIYUMVA MINANI Felicien batazira Marechal FEMI De J’Abat, avuga ko akeza abo baririmvyi b’Abarundi kuri iyo ntambwe y’uguhurira mu giteramo, akabipfuriza kuroranirwa.

Uyo mukuru wa UNABUDI NSENGIYUMVA MINANI Felicien batazira Marechal FEMI De J’Abat aratera intege abo arongoye, akongera kandi agashima iyo ntambwe nziza bagezeko.

Nk’uwatanguje ishirahamwe ry’Abaririmvyi b’Abarundi kw’isi yose, NSENGIYUMVA MINANI Felicien avuga ari umunezero udasanzwe kuri we.

Abaririmvyi b’Abarundi bazokwitaba ico giteramo c’iryo sabukuru «NEZERA FESTIVAL », ni Africa Nova, YOYA, Gorette, Didi Bade, Kaka Boney, Steven Sogo, Balozi, Riziki, Aziza, hamwe na Abel.

Kumenyekanisha
Kumenyekanisha

Izindi nkuru wasoma

Kumenyekanisha

ANDIKA ICO WIYUMVIRA KURI IYI NKURU

AMATEGEKO AGENGA IYANDIKA RY'ICIYUMVIRO CAWE

Nta ciyumviro kirajako. Ba uwa mbere!  

Kumenyekanisha