’’Twakiranye umubabaro urupfu rw’umusirikare w’umurundi muri MINUSCA’’

5 12-06-2018 - saa 11:52, IGIHE

Inyuma y’urupfu rwahitanye umusirikare w’umurundi ari mu gikorwa co kugarukana amahoro mu gihugu ca Centrafrique mu rwego rwa MINUSCA, icegera ca mbere c’umukuru w’igihugu Gaston SINDIMWO arashimira abasirikare b’Uburundi badahengeshanya kwitangira amahoro muri Afrika.

Abicishije ku rubuga rwiwe rwa Twitter, icegera ca mbere c’umukuru w’igihugu, Gaston SINDIMWO, yamenyesheje ko yakiranye umubabaro inkuru z’igitero cabereye mu gace ka Bambari kigahitana umusirikare w’umurundi.

Muri ubwo butumwa kuri Twitter, icegera ca mbere c’umukuru w’igihugu yamenyesheje ko ashimira abasirikare b’Uburundi kuko ari intwari, kandi bama bitanga kugira umugabane wa Afrika uronke amahoro.

Ubutumwa bw’icegera ca mbere c’umukuru w’igihugu Gaston SINDIMWO, buje bukurikira ubw’umunyamabanga mukuru wa ONU, Antonio Guterres, aho yavuze ko yiyamirije ubwo bwicanyi, aca asaba abategetsi ba Centrafrique kugira amatohoza, kugira abakoze ubwo bwicanyi bamenyekane kandi bashikanwe imbere y’ubutungane.

Kuva umwaka wa 2018 utangura, uwo musirikare w’umurundi yitavye Imana kur’uyu w’Imana igenekerezo rya 10 Ruheshi 2018, abaye uwa gatanu yitavye Imana ari mu bikorwa vyo kugarukana amahoro mu rwego rwa MINUSCA .

Kumenyekanisha
Kumenyekanisha

Izindi nkuru wasoma

Kumenyekanisha

ANDIKA ICO WIYUMVIRA KURI IYI NKURU

AMATEGEKO AGENGA IYANDIKA RY'ICIYUMVIRO CAWE

1
Gilbert Mpawenimana Gaëtan 2018-06-15 13:58:20

Imana imwakire mu bwami bwayo !

2
Mama 2018-06-13 04:57:42

Nukuri twese nyenicubahiro cegeracambere cumukuru w’igihugu twifatanije namwe muguhoza umuryango wabuze, nigigisirikare cuburundi, nigihugu murirusangi.

3
assanbikorimana 2018-06-12 14:39:29

Imana, ibakire kukokwisituringenzi.kwisisiwacu. iwacunimwijuru.

4
assanbikorimana 2018-06-12 14:21:51

Imana, ibakire kukokwisituringenzi.kwisisiwacu. iwacunimwijuru.

5
NTEZUKOBAGIRA JUSTIN 2018-06-12 12:33:53

Birababaje cane kuburira mu mahanga.
Turahojeje umuryango wabuze ,leta y’uburundi hamwe n’urwego rwa Gisirikare kuko habuze Uburundi n’abarundi.Imana imwakire mu bwami bwayo.

Kumenyekanisha