RDC: ONU isaba reta kugiranira ibiganiro n’abatavugarumwe nayo

0 8-10-2018 - saa 19:01, vianney

Abagize umurwi w’ishirahamwe mpuzamakungu ujejwe amahoro kw’isi bari mu rugendo mu gihugu ca Repuburika iharanira intwaro rusangi ya Kongo basavye reta y’ico gihugu gutegura ibiganiro bijanye n’ikibazo c’imashini nyabwonko izokoreshwa mu matora yimirije.

Abagize uyo murwi uko ari 15 bamenyesheje ko binejereje kubona igihugu ca Repuburika iharanira intwaro rusangi ya Kongo kiriko gitegekanya kubisikanya k’ ubutegetsi mu mahoro biciye mu matora ategekanywa muri Kigarama 2018.

Uko ari 15 basavye ko ibiganiro vyotuma humvikanwa ubuhinga n’uburyo bwokoreshwa mu ntumbero yo gutegura amatora aciye mu muco.

Uyo murwi wa ONU wavuze ko utagamije kwivanga mu bibazo biri murico gihugu kuko bubahiriza ubwigenge bw’igihugu.

Umurwi w’igihugu utegura amatora aho muri Kongo wategekanije uburyo bwo k’urubuga ngurukanabumenyi buzokoreshwa hifashishijwe imashine nyabwonko izoza yerekana amafoto n’amazina y’abitoza ,uwutoye agakora kuwo ahisemwo kuriyo mashine nayo igica isohora urupapuro rwekana amajwi.

Umukuru w’igihugu Joseph KABILA yatanguye gutwara ico gihugu kuva mu mwaka wa 2001 asubiriye se wiwe Laurent Kabila ,ikiringo ciwe caheze mu mwaka wa 2016 amatora akaba ategekanywa mu mpera z’uyu mwaka wa 2018.

Kumenyekanisha
Kumenyekanisha

Izindi nkuru wasoma

Kumenyekanisha

ANDIKA ICO WIYUMVIRA KURI IYI NKURU

AMATEGEKO AGENGA IYANDIKA RY'ICIYUMVIRO CAWE

Nta ciyumviro kirajako. Ba uwa mbere!  

Kumenyekanisha