Inkino z’igice ca kane gishira icanyuma z’igikombe c’isi yose mu mupira w’amagauru kiriko kibera mu gihugu c’Uburusiya, ziratangura kuruno wa gatanu igenekerezo rya 6 Mukakaro 2018 urukino rwa mbere rukaba ruja guhuza igihugu c’Ubufaransa hamwe n’igihugu ca Uruguay igihe c’isaha cumi z’umuhingamo.

Urundi rukino rutegekanijwe kuruno wa gatanu murico gice ca kane gishira icanyuma c’igikombe c’isi yose ruja guhuza igihugu c’Ububirigi hamwe n’igihugu ca Bresil igihe c’isaha zibiri z’ijoro.

Urukino rwa mbere rukaba ruja guhuza igihugu c’Ubufaransa hamwe n’igihugu ca Uruguay igihe c’isaha cumi z’umuhingamo.

Inkino zitegekanijwe murico gice ca kane gishira icanyuma ku musi w’ejo igenekerezo rya 7 Mukakaro 2018 n’izizohuza igihugu ca Suede n’igihugu c’Ubwongereza igihe c’isaha cumi z’umuhingamo hamwe n’urukino ruzohuza igihugu c’Uburusiya hamwe n’igihugu ca Croatie igihe c’isaha zibiri z’ijoro.

Ibihugu bisanzwe bikomeye vyahabwa amahirwe kuzotahukana ico gikombe vyarasezeye iryo higanwa nk’igihugu c’Ubudagi gifise igikombe giheruka mu mwaka wa 2014, ibihugu vya Argentine,Espagne hamwe na Portugal.